[أبو مسلم الصلتي]

أبو مسلم الصلتي :
التاجر يـــــوم يكون فلس عــار -- وفـــــوق اللـــــحم دوم نتلا بط
ياولدي هذي الأرض منبت رول -- وكلنا حن نعيـــــش من بترول
وستوى تو نــــزول في الاسعار -- وصــرنا كما الصـــــيد نتلابط !
أبو ميحد الراسبي :
ولدهم يــــــوّن وسمع ونتــــــه -- الصيم المدوحس ملا ضرايب
خامس تو تقــــول وس يا سات -- ومــــعهم تــــــدابير وسياسات
تــــــراه بـــــــنتلبـّـــط انا وانته -- هـــــــم بايعوضوا م لضــرايب !
كامله البلوشي :
ماجاهز اليـــــوم بكره الـــــــدم -- مايســـتوي زار دون نعيــــش
صوب الفـــلج تو لاخ ســــــاير -- واجـــــــــــــد ترى تو لخساير
البترول يسري كمسرى الــــدم -- مالنا غنى عنه كيف نعيــش ؟!
يوسف الشعيبي :
شاري من الســـوق علبة رول -- وهين المواشي ومــواردها
يا مسافر البحر ع البر مــــــيل -- وماثابت السعر ع البرميـــل
لاتركزوا كثــــــير ع البتــــرول -- وتنسوا الطبيعه ومــواردها
مسلم العامري :
يوم الغزو غار قـــــــم تو غير -- وكانك تبا صـــور ومخــــا تلف
عماني ومن طبع لعــــــــماني -- وماعادته كــــــــذاك لعـــــماني
صاحب مـــــــزاريع والتوغير -- أشوف ذا الزمن غير ومختلف
فرج الشعيبي :
يتناشدو الناس ع الأحـــــــوال -- دجلــــــــــه والفرات ماعومه
تلميذك حســــــاب بايجــــــمـّل -- ورب الســــــــــماوات بايجمّل
بيبارك الرب ع الأحــــــــــوال -- عشنا على ســــح مع عومه !
مسلم الصلتي :
يوم غرز الجــيب في الار قام -- وكله زجـــــاجك ما شاف البر
منها المــــــثاعيب ماي نــزل -- وبتــــــرولنا البـــــــر ماينـزل
هذي لعبة كبـار في الارقـــام -- ومنها المواطــن ما شاف البر
أبو هلال السوطي :
يرعيوا البدو كباش وغنيمات -- ولدك ياخلفان حـــــــن فـــرح !
تراها شعلت نار تســــــــعيره -- وكل شي صبح نار تســــعيره
هذي راحةٍ جـــــات وغنيمات -- يوم نازل السعر حـــــن نفرح !
أبو مسلم الصلتي :
كاتب من الشعر فلم عـروض -- وذاك الأسد قام يلمــس كيني
شاري من السوق بــــونا زل -- وسـعرك يابترول بـــــو نـازل
لكن ماشي نزول فالمعروض -- لاتفرح كثــــــــير يالمسكيني !
أبو هلال السوطي :
ولاّ لقف سعيد ولاّ غـــــــــلي -- يقاســــــــي الـــولد ذاك بنزوله
حنه ننتـــــــظر تو منخفضات -- وهاييتهــا مـــــــواد منخفضات
ولاّرخص النـفط ولاّ غــــــلي -- هيش يخصنا يكون بنــزوله ؟!
أبو مسلم الصلتي :
نعمه ترى الماي لمشــى ريع -- وفي المزرعه كوم قت صادي
في مجمع المــــــــاي يا بويه -- ويهــــــمنا النفــــــــــط يابويه
تتوقـــّف عليه لمشـــــــــاريع -- ذا مــــــورد كـــــــثير قتصادي !
طلال الخنجري :
التاجر حال الصـيد ملح كـــــــومات -- وهــــــذا الفقــــــيّر ملح كومه
علمك لاتخفيه عــــــــلم صـــــاه در -- المرعد على الروس مد خوله
اوروبا لي قامـــــــت على مـــصادر -- تزيد اعتــــــــمادات مدخــوله
أمبونه اللي مايشوف ماهو صحيح -- البترول بيسد ما هو صـــحيح
أحســـــــــن يقايس م الحكـــــومات -- والاسعار تضبط م الحكــــومه