البخيل و ابنه و الضيف
هذا الله يسلمكم
رجال بخيييييل جداً , جا له ضيف
نادى البخيل ولده
وقال له: يا ولدي
عندنا ضيف عزيز على قلبي رح للسوق واشتر لنا
لحم ... أحسن لحم في السوق
(طبعاً الضيف جالس يسمع)
راح الولد للسوق وبعد مدة رجع لكنه ما اشترى شي
سأله أبوه: وين اللحم؟
قال الولد: رحت للجزار وقلت له:
عطني أحسن ما عندك من اللحم.
قال الجزار: بأعطيك لحم كأنه زبده.
قلت لنفسي إذا كان كذا ليش ما
أشتري الزبده بدل اللحم.
رحت للبقاله
وقلت له: عطني أحسن زبده عندك
قال راعي البقاله : بأعطيك زبده من حلاوتها كأنها دبس .
قلت في نفسي : إذا كان الموضوع كذا
أفضل لي أشتري دبس.
رحت لراعي الدبس
وقلت له : عطني أحسن دبس عندك.
فقال الرجل: أعطيك « دبس » كأنه ماء صافي
فقلت لنفسي: إذا كانت السالفة كذيه،
فعندنا ماء صافي في البيت و احلى منه .
عشان كذا رجعت بدون ما أشتريت شي ...
قال له أبوه : ماشاء الله عليك
بعدي والله .. انت كريم مثل ابوك ..
والضيف يسمع ... ووجه يتقلب من القهر ...
بعدين الاب همس في اذن ولده : بس فاتك شي ...
قال الولد: ويش هو؟
قال البخيل: استهلكت نعالك وقطعتها
من كثر المطامر من دكان إلى دكان
قال الولد : ههععع يابوي..
أنا لبست نعال الضيف
و دمتم سالمين
منقول