خلنـي فـي دنيتـك لــو ذكـريـات
يـوم عنّـي ابعدك..ظلـم الظـروف..
والتحف فـي هاجس..عيونـي وبـات
ياقمـر دنيـاي ياحلـو الوصـوف…
يارقيـق الطبع..يـا زيـن الصـفـات
قلبي لـك بالحـب ينبـض ياعطـوف
وقفـت أيامي..وتـاهـت الامنـيـات
ملّ حبري كيـف ابنثـر لـك حـروف
وقّـظ شعـورن خفـا بقلبـي وفـات
حـس فينـي وبالمشاعـر لوتـشـوف
عمـري المقبل..تـرى هـمّ وشتـات
عاصفات ..احزان ..واشجان وكسوف..
صـدّق انـي عفـت اطيـاب الحيـاة
وش يفيد العمر من عقبك؟؟حسـوف..!!
ياحبيبـي خلّـنـي لــو ذكـريـات
دام عنّـي ابعـدك ظلـم الـظـروف
***********************
ياحبيبي المدلّل
صورتك في خيالي ..ماتفارق عيونـي
تسكن احساس روحي انت ياكل غالـي
بين نبضات قلبي ..في خفايـا ظنونـي
تحت فيّ المشاعر ..مشغلٍ كـل بالـي
الشجون الطويله ..واحتراقي وجنونـي
ودمعة العين ..تشهد والسهر وابتهالـي
ياحبيبي المدلّل اعشبت بـك شجونـي
وانورت يوم اشوفك ياضيـاي الليالـي
دون كل الخلايـق انـت والله فتونـي
ابتسامتـك فرحـه مالهـا اول وتالـي
الحياه..بعد شوفك..قاسيه بـي تخونـي
وكل فرحه يتيمه ترتجيـك الوصالـي
وبك عظيم البلايا..يوم اشوفك تهونـي
انته يالغبشي روحي وانت حالي ومالي
ياسحاب المحبه مـن فراقـك بكونـي
الولـه والتولّع..واشتياقـي ..وخيالـي
من يساويك قلّي فـي حياتـي وكونـي
يامروّي ظمايه …ياهناي ..وظلالي..؟؟
رغم بعد المسافه دون شوفـك ودونـي
صورتك في عيوني ماتفـارق خيالـي
ياعيونـي خيالـك مايفـارق عيونـي
تسكن احساس روحي ..انت ياكل غالي