[عباس المسكري]

ألا يــا هاويــة التمثيل يكفــي دور هــالأبطــال
كفايـــة تمثلي هنــدي ودور مقاتل(ن) صينــي

تجينــي مــرة ودموعــك بخــدك سايلــن همال
ومرة تمثلــي دور الطفل مقهــور مسكينـــــي

ترانـــي كاشـــف أوراقــك ولعبة قلبك المحــتال
على كيفــي وبكيفــي معاك ألعــب تشــوفينــــي

كفايــة بس يا بنيـــة تلعبـــي بنفــس هالمـــــوال
يا ما قلتـــي لي أحبـــك وأدري مــــا تحبينــــي

لا زم تعرفـــي إنا كبــــرنا مــــا بقيـــنا أطفـــال
وزمــــان الشيطنــة روّح ما بينـــك وما بينــــي

زمـــان أول أنا مراهـــق يمكـــن كنت لك ميــال
وزمـــان أول ولا وراح تـــرى ما عـــاد يعنينــي

حنــا أثنــينا كبـــرنا وحمــايلـــنا علينـــا ثقــــال
يعنـــي بصافـــي المعنى خــلاص اليــوم سيبيني

تـــرى ما فايـــق لمثلك ولا إنـــي قليـــل أشـــغال
مشــاغل دنيتـــي كثيـــرة ولـــي فينــي يكفينــــي

أبـــد لا تغـــــرك الضحكـــة وتقوليـــن رايـق بال
صــدري فيه مايكفيـــه وحابـــس دمعتـــي بعينـي

أنا معمل مثل غيـــري أبكــي دوم علــى الأطلال
نفســي دوم أصبـرها ولا أشكــي الـــذي فينـــــي

تـرى الشكـوى لغير الله ذل ومـا أرضى الإذلال
عـــزيمة صبـــري بالدنــــيا طاعـــة ربي ودينـي

وإذا قصـــدك بأفعـــالك تذلينـــي هــــذا محــــــال
لا أنتــي ولا شكلـــك بعدك مـــا عــــرفتــينـــــي

مخــاوي عــاش وبعــزه ولا ذلته يـــوم رجــــال
وعـــاد شلـــون وبنيــــة تقـــدري إنـــك تذلينــــي

أريـــدك تعرفــــي حاجــــة وخليها معـــك بالــبال
من قولــــي خـــذي الصافـــي ويا ريتــك تفهمينـي

أنا مجــري ورى الأوهـــام ولانـــي تابع(ن) لخيال
أنـــا راميك مـــن بالي قبـــل لا تجـــي وترمينــي

وأريــدك تعرفي إنـــي مانـــي مثل خـــف رمــــال
ولا أنتـــي مثل عاصـــف لي مـــن هب تـــــذريني

تبـــي مني الصـــراحة لـــك أنتي تشبهــي التمثــــال
جمـــالك كلـــه عالفاضــي تـــرى ما يــــوم يغريني

جمــال(ن) زايــف صناعـــي مايســوى أبد مثـــقال
ترى كلك علــى بعضك ثوانـــي تســـاوي بسنيـــني

أنا أوصيك لــك مخلص روحـــي شـــدي بالتــرحال
شيلــي ما ضـــي الذكرى ومـــن البـــال شيلينــــي

روحــي دامـــك سعيدة ودامـــه طــاب لك هالفـــال
أخافك تندمـــي فـــي يوم على إنـــك عـــرفتينـــــي

زمانك هذا لي غــرك لو إنـــه قصـــر أوطــــال
أبــــد ما همنـــي أمرك ولا هو بيـــوم يعنــــينــــي

أحسن لا يجيلك يوم ودمـــوعك أخلـــها شـــــــلال
تراني اليـــوم أنا أوصيـــك وبكـــره لا تلـــوميني

بصراحة نــاوي لك نية يضـــرب فيها بالأمثــــــال
وصيـــة لك يا بنـــت الناس روحي عنـــي ونسيني

حلفـــت يمين لا أخليك تغنـــي الآآآآآآه ولـــيامـــال
لأخلي حلمك كوابيس وبـــوسط النـــوم تطرينـــي

لا أشتـــت دنيتك كلها ما بيـــن الحـــل والتـــرحال
وأخلي الباقي من عمـــرك بصلاتك تــذكـــرينــــي

لأجعــل دنيتك ســـودا وهمـــومك عليـــك ثقــــــال
ودمـــوعك دم أسيلـــها تـــرى أقـــدر وصدقينــــي

أنا لك قلتها كلمــة وبكرة تقولــــي مخـــاوي قــــال
وبكــرة بس لي جالك تعـــرفي إنــك تثـــمنـــينـــي

ترى ساعتـــها ماينفــع لا تـــــوســـل ولا مـــرسال
أعيــد القول لك مـــرة أمـــرك ما هـــو يعنينـــــي