[خليفة الصائغ]

شقر الضفــائر

عزاه يا قلب (ن) له الحـب مرصوف
..........وعزاه يا خل (ن) من الشـــوق صاير

ينسج قوافي الشعر والصــدر ملهوف
..........من بعد ما زفت عليه البشــــــــــــــاير

عرجت أوصـــــافك على جملة النوف
..........يمكن أشوفك من جميــــــــع الحواير

تتلاطم أفكـــــاري على شاطئ الخوف
..........وتهوم في بحـــــــــــري كثار الدواير

وخليت أحـــــــــلامي بدواليب ورفوف
..........وكل السبب منــــــــك ِيا شقر الضفاير

لو كانت أشعاري على الزين مصروف
..........لا بنيت له من جزل شعــــــري عماير

يا كم من الأوتار للـــــــــــود معزوف
..........ومعزوفته تدمي نفـــــــــــوس الضماير

ما ترحم الخفـــــــــاق يا حلو وتروف
..........وتروف بي يا بعد كل الحــــــــــــــراير

لأجلك يحن الشعـــــر وحروفه نزوف
..........ومنك عطــــــــــور العشق تنفح عباير

من بعدكم حتى البدر صار مخســوف
..........كنه السمــــــــــاء غطت عليها ستاير

يا نبضة العاشق ترى النبض معروف
..........ينبض ولا همه كبير الكبـــــــــــــــــاير

من كان إحساسي من الحزن محفــوف
..........والحين صـــــــــــــاير لي مغاير مغاير

من حدة الأوجاع ما هو بمكشـــــــوف
..........كثر الهموم اللي على الدمــــــــع زاير

عزاه يا قلب (ن) له الشوق مرضــوف
..........وعزاه يا خل (ن) على الحــــــب جاير

لكم احترامي