[زياد الحمداني (( جناح الأسير))]

تسألْ!

شلون عدى
كل ما كان بثواني..

وسألك يا كل من لي
بعثرك بعض الشتات

دام يا قلبي تعاني
أفتكر وين الثبات

وكيف ما مرت فبالك
هذه الدنيا لحالك..

وكيف ماضي صار يقسى
بين ما يطريك ليس..

ولا يميل..
الهجر في ذبل الورود
ويستقيل..

الصبر معنى في الوجود
وصار من حولك ظلام
كلم النجمة سلام..

هذه الدنيا معاني
في زواياها مواني
دون مرسى
دون هذا الحُب أنْسى..

ولا يغرك
بعض ضرك
ما يصير الليل في وضح النهار
بدره ألي صار من دونك يغار..

ما علينا..

دام لا يمكن تجينا..
ولا نحرك شيء ساكن ..
تحتري سحر الأماكن..

وكل الألوان ترسم ..
لون داكن لون داكن..

ليه يا نور العيون
صاحبك يهوى يناديك بجنون..

ولا تغيب الشمس ويطويها السحاب
ولا تنام الأمس ودموعك مطر..

وخلي أفراحك يلامسها العمر
وخلي كل ما كان ثغر الإبتسام

هذا مقصود الكلام ولا كلام
ما تظن الشر ياخذ كل شيء
أنت ما تدري بخيرك صار ضي..



وأنت حي..






10/ 6/ 2015