[أبوراشد العيسائي]

المشاركة الأصلية كتبت بواسطة تركي الحبسي

أبوراشد العيسائي

هذي القصيده تحتاج ان نتأملها جيدا

جيتك وله وأشق صدر المســــافات
كلي غرام ويا عســـــى تقبلوني

مدخل ممتاز جدا .. مليئ بالشعر..

جيتك =مفرد
تقبلوني =جمع... هذي النقطه اضعفت البيت


جيتك ومبدأ في حيـاتي خذ وهات
أبغي الوفاء وأســكن فمقلة عيوني

جمييييل جدا يا راشد

إن غبت عن عيني معـــاناة وآهات
جو الحــزن خيم على كل كوني

الله الله

إن جيتني يا طيب يومـي والأوقات
يا ســــعد حظي فيك لا تتركوني

تتركوني=جمع

ما دام صار الود ســـــــّنه وعادات
ســـــــايق عليك الله لا تقطعوني

جمع=تقطعوني

أكسر جدار الصمت وأترقب الآت
أجمع لك أشواقي وأجيك بشـجوني

اكسر جدار الصمت.... جميييل


هيهات أنســـــى من أوده وهيهات
أعيش دونك لو تعايشــــــت دوني

أبني عليك آمال وأبني طمـــوحات
حلمٍ رسمته ما يخيّب ضنــــــــوني

واليوم بيني وبين همي عــــــلاقات
مابي كتمته عن هلي يســـألوني

مجـــروح وآهات الوله تخنق الذات
أحباب عيني للأسف قد نســــــوني


قال المثل للموت سـاعة وسكرات
ســــاعة فراقك موت وأرجاك عوني

لي عالمٍ بالحال رب الســــــماوات
ســـــــلمت له أمري بعد ما جفوني

عيد النظر يا صاح فإللي مضى وفات
على وعســى لو لحظةٍ تذكروني

لعيون من نهــواه نرقى الصعيبات
فدوة عيونه كــــــل غالي يهوني

ابدااااااااااااااااااااااااااااااااع

وإن حبت الأرواح أهـــــــل المروات
عن ودهم مـــا رد لــــو تعذلــــوني


كفووووووووو

جيتك وشوقي يزيد رغم المسافات
راضي وأحطك يا الغلـى في عيوني

ابدعت يا العيسائي... تحفه شعريه


تثبــــــــــــــــــــت القصيده للجمال الشعري

لا هنت يالحبسي
النقد والتحليل مقبول وعلى راسي
دمت بود