[محمد الراسبي]

بحـــــر وسحــــاب

يا سارين ليلك على بحر وسحاب
وقاطع مسافات الأمل والأماني

لدفتر الغالين لين الليل ذاب
ترتب الأفكار صيف وثواني

ماخذ من دروس الألم بالإنتساب
وهمس التجاوب منه ما رد ثاني

وشوق المحبه مختلط بالعتاب
وحدن من فراق خله يعاني

وحدن يقول الحب أحيانا سراب
وحدن يقول الحب أحيان جاني

وأنا مثل غيري ترى عندي أحباب
حبيتهم من ثم حبهم خذاني

مره أقول الحب سكر مذاب
ومره أحس أنه خلي نساني

أسرح بأفكاري وأنطر جواب
وأقلب معا نفسي صفحة أحزاني

وأسري على ضو القمر والضباب
وأقطع مسافات الأمل والأماني