السلام عليكم ورحمة الله وبركاته
الاخوة الكرام :
مسائكم وصباحكم برائحة العود والعنبر
اقدم لكم من جديدي هذه الابيات......
لا تذكرني رحيلك والوداع
شوف دمعي لا ذكرتك وأسأله
لو بغيت انساك قلبي ماستطاع
وانت آخر حب فيني واوله
وين قلبك يوم فكيت الشراع
وين قلبك يوم حبي تهمله
جيت تذكرني بعد مالعمر ضاع
بعد ما قلبي نجى من مقتله ؟
كنت عندي سيدٍ امرك مطاع
كل درب لأجل عينك ادهله
وغير صوتك ما احب الاستماع
وكل ما شفتك تليت البسملة
ارتويتك حب صافي للنخاع
وكل ما كدر فؤادك احمله
كان قدرك كل يوم بأرتفاع
وفي حياتي كل شيء تشمله
ما هقيت انك تجازي بالخداع
ولا نويت الهجر عندك... ماسهله
صار بيني والملاء حرب وصراع
والجنون اصبح بعد ... قيد انمله
وبعد ما تم اللقاء والاجتماع
بالجفى درب بديته...... اكمله !
مع اطيب الامنيات