[جمعه المخمري]

أبي أنساك وبكيفي ومن تالي العمر أعفيك
خلاص إرحل بلاش إتذّل هذا الحين دمعاتك
مع الأيام أبتسّلى باللي قد بقى... بطاريك
دفنت الحب في يوفي وظلّت فيني رسماتك
عشّط السيف لي يبكي ياخاين فرح ماضيك
تغاريدن سرت يبقى صداها مدوّي بشفاتك
خلاص إرحل عساه لطريقٍ مِسهلْ يودـيك
لدنيا ترضي غرورك وثم ترضي طموحاتك
أنا ماني زعول أجفل وأعاند لا.. ولا خليك
ترى عادي أنا عندي حفظت الجرح وحياتك
تعودّت السّهر دايم ...قلبي م العنا يبكيك
تعودت أكتفي بزولك ...يراودني بغياباتك
تعودت الوفى لجلك واظمى دايمن واسقيك
تعودت أقتل الحسره لاجل أغفر خطّياتك
أبي أنساك واتناسى إني كنت بس أغليك
وتتجاهل بكل برود شخصن يطلب رضاتك
جفيت وما قدرت اني بطباعك أملّ واجفيك
كل اللي أحيده حب جمعني حين باوقاتك
خلاص إنتهى دورك مثلّته بعشق غاليك
ولا غاليك ولاني شي أثرني بس نزواتك
تراه الفقر من بونه... قدام الخلق يبليك
وحمدلله ماتكفي... لهلع النفس شرواتك
تبي ترحل تفضل روح خلاّق البشر يجزيك
غدار ..حبك طّل ...ماحد يسوّي سواتك
أبي أنساك وبكيفي ومن تالي العمر أعفيك
خلاص إرحل بلاش إتذل هذا الحين دمعاتك