مسلـم مـن امريكـا قــرا الـقـرآن
فـــي دولـــةٍ مـعـروفـةٍ بـالـديـن
حــاول بـصـوتـه يِـسـمِـع الآذان
سبـعٍ مثانـي فـي القـلـوب تلـيـن
من غيرته حارب هوى الشيطان
ظـنـه يـلاقـي الشـكـر والتثمـيـن
فـي دار مافيهـا ســوى الـدِنـدان
والـرقـص والتطبـيـل والتلحـيـن
مسكيـن مـا يعـرف بنـي علمـان
حـازوا المناصـب مكنـوا تمكيـن
ردوا عـلـيـه بصـيـغـة الـنـكـران
وش عاد سـوى فيهـم المسكيـن
خلـوه مـا بـيـن البـشـر غلـطـان
وانه أهان اللـي حْضَـرَوا الحيـن
واتـعــذروا إنـهــم بـــلا أديــــان
والجمع يبغـي مـن هـذاك الزيـن
يـا موطنـي يـا مـوطـن الإيـمـان
أمجادك اللـي حزتهـا مْـن سنيـن
صــارت هــوا وتـهـدم البنـيــان
والبأس عانى مْن الكسِر والليـن
إسمـك قـبِـل يـذكـر بـكـل لـسـان
من أرض إيبيرية وحتى الصيـن
واليـوم جبنـا بأرضـك الخسـران
مستـوردة مــن رومــا وبرلـيـن
نسْـألْـك يـاربـي عظـيـم الـشــان
ترحـم وانـت الراحـم اللـي تعيـن
تحفـظ بـلاد الخيـر أرض عمـان
من فكر ينزل راسنـا فـي الطيـن