كيفك يا صاحبي وكيف أحوالك
وليـش تقـلان عـلينا بسؤالك
لعــلك بخـيـر وصـحــة جيـــدة
نـسـيـت أبلغك سلام اصحابك
بتـسـأل فى آخــر جوابـاتـك
كـيـف أحــوال مصر في غيابك ؟
كان زمان بقرش نجيب رغيف
موجود بوفرة ينباع ع الرصيف
صـار نــادر الــوجود يـا صاحبي
دا غير سعره اللى عاد مخيف
ولا حــدش يقدر يتكلم
قال أيه .... دا محـسن ونظـيف
الجاز والبنزين عادو نار
وكمان الميه وكهربة الدار
ناهيك يا صاحبي عن التلافون
أقولك أيه والعيشة مرار
ولو قلنا ليه ؟ مستورد إياك
يقولك لا .. إمحسن ونظيف
الأكادة ما حداً فاهم وعارف
ما هى عصابة والكل معارف
والبلد عزبه ليهم وتكية
عملوا عزوة نهبوا المصارف
وابن البيه باشا ودمه خفيف
وفوق دا وده مخ نظيف
قعدنا شلة نشرب شاى
تحت الشجرة اللى حدانا
قعدت راكز على عصاى
نحكى على اللى جوَّانا
طب علينا عسكر الدرك
زى القضاء المستعجل
معاهم أمر بالقبض علينا
وهناك فتحو لنا محاضر
وهاتك باتك يا سؤالات
سألونى أبن مين أنت
قلت لهم مصر أمى
قالوا مين يبقى أبوك
عاودنى الألم وزاد همى
سؤال صعيب يا صاحبي
خرس لسانى فى فمى
وطرقع طوخ .... طيخ طاخ
قولت يبقى جوز أمى
سألونى يطلع مين
قلت يبقى المدعو عمى
طويل عريض وله شيمه
عليه شنب فشر البريمه
طول عمره راجل نظيف
جرب مرة وأركب ترام
ولا باص مليان زحام
تلاقى الحرامي على يمينك
وعلى شمالك تلقى الزكام
والبيه ينام على ريش نعام
وأحنا نبات على الرصيف
عارف ليه ؟ علشان نظيف
أنا وأنت شربنا من نيلها
ولون وشوشنا من لونها
مهما بعدنا عن أراضيها
بنرجع تانى و نحضنها
عارف ليه يا صاحبي
عشان معدنا معدن نظيف