خالي خلـت دارك وحنّت مـــياريك
تنـشـد نـسـيـم الـبـر قفرى خـوالــي
غابت رياحه مع بزوغ الـتــباريــك
سـاعـة هـيوع الناس والكل ســالــي
الأثــنـين حـلّـت بـه مـقـادير تبـكـيك
صبح ومساء والقلب صـابه اعتلالي
خـالـي سـألـتك ويــن حـسٍ يجاريك؟
كرســيك فـالمسجد يصــيح بنكالــي
ويـنـه جـليس الأمـس انعت تعازيــك
وأن خصك التهليل بالصوت حــالي
الله وأكبر مـن قـدر هــو يــبـاريــك
رد الـسـلام ومـــــدت الــيــدّ تــالـي
الأرض تنشد ليش شحّت خطاويـك
والمزرعة تنحب يــنـوب وشـــمالي
صوت المكينيه ويريت الماي يرثيك
ولاّ النـخـل حـتـت وصافت خــلالـي
وعب الينوب وكسرت السيم يـنـعيك
بـاسـمك ينوح البيت والحوش خالي
كـلـن مــن الـفـرقـه يـصيـح بتواليك
روحت وأنـتـه قــاصد الخير عــالي
ورب السماء والكون حافظ مساعيك
يــاربّ تـقـبـل روح عـبـدك وخـالـي
يالله يـامـعــبــود روحــي تــنـاديـــك
أغــفـر ذنـوب الـعـبـد واللي يــسالـي