مستريح البال
مستريح البال/ ما فكرت فيك
لا "الشقا" ليلي ولا دربي "العنا"
بسّ لي قلب(ن) إذا يوله عليك
صرت "فاقدني" ولا ادري من أنا
يعني ياخذني ويرميني إليك
لعنبو قلب(ن) على روحه جنى
ولعنبو قلب(ن) بدمّه مشتريك
ما يهمّه لو على موتي اغتنى
كنّه الجاني وأنا ذنبي "شريك"
كلّ ما طابت جروحي لك دنا
من يقول إني إذا تزعل أجيك
و ان "قلبي" صار أدرى بجرحنا
أذكر إنّه كان هالليلة "يبيك"
وما صحيت إلا و أنا جنبك "هنا"
#سعيد_البلوشي
14/102016
__________________
.
.
لو مرّني اسمك تغازلني الحروف
ـــــــــــــــــــــــــــــــــ تشرق شموس العزّ من عالي سماي
لنّي على ما قيل بك أحيا و أشوف
ـــــــــــــــــــــــــــــــــ يا حظّ عيني فيك لا صرتي معاي
.
.
التعديل الأخير تم بواسطة سعيد محمد البلوشي ; 16-10-2016 الساعة 07:54 PM
|