[علي الغنبوصي]

المشاركة الأصلية كتبت بواسطة عطاالله ممدوح

طابت أوقاتكم أيها الأحبة بالخير والمسرات ,,,
أشكر أخوي الشاعر / راشد المشرفي ,, على دعوته الكريمة
وانا سعيد جدآ بتواجدي بين هذه الكوكبة ,,,

بعد القلوب اشدّ من بعد الاجسام
مادام غصن الودّ طارت رفوفه

كم واحد نشوفه من العام للعام
اقرب من الّلّي كل يومٍ نشوفه

الادمي تقوده ظروف واحكام
وما كل واحد يخدمنّه ظروفه

نطرد ورى سرب الاماني والاحلام
ويالله عسى بعض الامور مخلوفه

لو يكشف الواحد صناديق الايام
ماكان خضّب بالأماني كفوفه

العمر يمضي والتجارب له احزام
والشيب يضرب للنواصي دفوفه

كم واحدٍ غافل وهو يلبس احرام
مايدري احرامه لموته (بروفه)

طول الأمل كفّه تلوّح لقدام
والنفس لمعانق هواها شغوفه

والضيق يتسلّل على روس الأقدام
لـ إحساس من شعره على اسوار جوفه

يا صدري اصبر وانت في بهوك اقسام
من المواجع غير نفسك عيوفه

لا تنحني لو كانت عروقك حيام
وعذوق لينة ما بذرت مخروفه

صدر السما ما ثـقـّله كثر الاجرام
واللي تهاوت ماعليها حسوفه

ضيوف قلبي تغرف عدوده الالام
وعلى الزمن يا كبر شرهة ضيوفه

مابين قام الحظ والحظ ماقام
الحزن رتب بالحنايا صفوفه

يحطبني بفاسه ويتركني حطام
باسباب معروفه وغير معروفه

وانا ماغير اهيم واتشجّر هيام
واثمر قصيدٍ يانعاتٍ حروفه



عطاالله ممدوح

صديقي و اخوي عطا الله ممدوح

اولا مرحبا بك بين اهلك وناسك

قلم لا يأتي الا بالجزل

كنت من المحظوظين حين التقيت بك في جولات شاعر المليون

واستمعت الى اغلب قصائدك مباشره منك

كنت سأسبق راشد لدعوتك لهذا الصرح

ولكن سبقني

حضورك لا يشبهه اي حضور

ومن اجمل قصائدك و التي قريبه الي

جميله من المطلع الى القفله

بيّض الله وجهك

اخوك علي الغنبوصي