بحر الفكر – تغرود - محمد الراسبي
يا صاحبي التغرود نادى دوره
لما طلع بحر الفكر من طوره
عندي القريحة اليوم مب معذوره
لكن غدت لي مرايتي مكسوره
لمّا تيممت الصباح ابْنوره
شرذم علينا الحزن من ديجوره
وقامت تودعني وهي مجبوره
بي دمعة ن في محجري مقهورة
يا ليت بنك العمر كف اشعوره
وأنا العذول اليوم م أتبع شوره
ويقول درب الحب منك دوره
يا صاح هل يرضيك في منظوره؟
وأنا اللي اتنفس عبير ابحوره
في ساحة التحرير قامت ثوره
ما بين ضلعيني يخط طبشوره
اهموم منكسره وبي منثوره
وجروح في صبح الزمن منشوره
والمشهد اللي كنت أعيش اسروره
قام وغدى لي ذكريات وصوره
والراسبي من يومها طابوره
متشتت ن بين الصباح ونوره
|