هد القصائد
مديت خيل الفكر في صهـوة الريح
وأفـكارنا قادت خـيـول الـقـصايـد
ومديت يمنى وانكفت طلبت الشيح
يـعـل ما يـبـقى من الـنـاس عـايـد
يا عاذلي كـف المدى والـتـجاريـح
يـكـيـفــني أني شـايـفٍ كـل كـايـد
ورجـع عـلى هـمٍ وعـذل وتباريح
فـيني من الحـرمان والشوق زايد
عـييـت أصرْح ما بقالي تصاريح
وش بـاقيٍ مــني وأنـا فـيـك بـايـد
وسحابةٍ مرت على سرب وتصيح
تـقـول شـلّـونـي عـلى راس نـايـد
وش حدها ورقا تـثنّى بـتصديـح
ما دام كـل الـناس حـطْـت وسايـد
يا قاريٍ فكري على هم لا طيح
شـرب الـقهاوي ماي عـد العـوايد
عديت صفحاتي على نور تسبيح
بـيـن الحياة والموت شفت الزهايد
ما فادني فيها عن الرأي توضيح
وانكفـت من مثلي مع الناس شايد
قريت دعواتي وأنا باطن السيـح
وشديت ركبي يوم هد القـصايد
صالح النورزي السنيدي