[راشد الشعبـني]

أسعد الله أوقاتكم بكل خير ..

قصيدة "كبوة جواد" من 2007 .. أحببت أن أسمعكم عليها ..

كبوة جواد

الله عطاك من العقل و الــسدادي
اللي عطـا غيرك من الفهم يعطيــك
لا تدعي بالجهل حكم و مــبادي
افهـم شعـوري زيــن الله يخليـك
لا تحزم متاعك وتنوي الـبعـادي
مــو كل كلمـه للمفارق توديـــك
الناس ف الدنيا تريد الـــودادي
اما انـــت شـورك غير زايد تغليك
ما شوفها بطره ولا هي عنــادي
هذي حماقـــه تنعكـس في تعليـك
الصد و الهجران مو شي عــادي
سالت عليه دموع جفـت مساليـــك
كم عاشق صير حياته ســـوادي
كم صرخة ف البعـد هـزة مماليــك
يا من نويت البعد اتبع رشـــادي
خلك علــى درب المحبيـن أغليـك
لكل فارس حب كـبوة جـــوادي
مو كـل غلطـه للمحبـه تنسيـــك
عرفتك بأول زمانك جمــــادي
حـركت فيك العشق لحضة تحديــك
علمتك الأشواق على اعتيـــادي
شيدت لك ف القلب قصـرن يسليــك
اللي حماك من العدى و الأعـادي
مـا ضن تلقى ف البعد شخص يحميك
ارجع أنادي لك وقلبـي ينـــادي
إن كنت انـا كل المحبـه فـ عينيـك
اما اذا ناوي بتعلـن حــــدادي
القلـب ما هـو لعبـــة بين ايديـك

****************

و سلامتكم ...