[محمد الراسبي]

تشتت وانبعاث

مايـفرقنـي شـتاتٍ لــوبدا لغـيـري كثاث
الــرمـادغبــارنـارٍ والشــرر مامــسني

مايغالب طــول بالــي رغـبةٍ لي وإنبعاث
والـزمـان إن منثنالي وإلا أنا لـه مانــثني

وماعليه إن طال دربي بتبعه دون إكتراث
لين أذل النفـس فينـي قبل ما هـي تذلني

تابعــٍ كــل التــقاليد الحــميدة والــتــراث
فــي زمـانٍ لــوتـبعته للمـظالم شدنـي

وماعلى كفي حصيلٍ لا انتهى برضي حراث
شح ماها دون مجني من محاصيلي جني

الشجربعضه يباسٍ والبعض بين العثاث
والجراد إللـي تحـول مسكنه مع مسكني

كم صديقٍ باع فيني واشترى غيري وعاث
وكم قريبٍ لانخـيته طـحت دون يشلني

مايـعاب الحـرأصله لـوهناديمـه رثاث
كـم بنى مجـده فقيرٍماوصـل مثـله غنـي

وكمّ جاني من كلامه سقم وحروفه غثاث
يمدح بوجهي شفاعة وإن مضـيت يذمني

الحقيقة كان فيني قلب نادى وإستغاث
والصراحة ضاع صوته بين محتال ودني

شارب الدخان ينفث مثل ماصبري نفاث
بعدمـا الصبر إنتشاني إعتذرثم هدنـي

إيـه يبـن آدم يزين البيت ترتـيب الأثاث
والقـلــوب يزيـنها ســاعه لربـك تنـحنـي

والأمل يبني على نفسي وفي نهجه ثـلاث
التفاءل والـعمـل والـصـبر حـتى ينــبني

همت وركبّي على الرمضا من الخشية جثاث
للـــذي شــددعزومــي وإن دعــيته دلــني

والشـتات إن مر واقدمي على الطيبة حثاث
مـايهـم إن هوتـجمّع والعـزوم تحثـنـي

العثاث: حشرات