خلفَ ستار الأيام،
هنالك لا زال ذاك الشيخُ العجوز يتكيءُ عصاه وينفضُ غبار ضيمَ السنين...
# مِعْطَف البرد #
لــ يقظــان الشهيمي*
إن كان هّمك تسأليني أنا وين •••
غايب مع الأيام يا حظ عيني
أضحك وأجامل وأدفن العسر باللين•••
لجلك أموت ولا دريتين فيني
--------
-----
---
دامك رحلتي مع الأيام يا ذكرى***
الله حفيظك وبلعن طاريء الحاجه
ما راح أقول طلبتك رد لي، و تكفى***
ولا راح أبكي وأقول أهواه وأحتاجه
وليا قريتوا الشعر في حالتي أدرى***
نارٍ بجوف الصدر حرقا ووهّاجه
البرد يقرص شفاة الوصل واللقيا***
والحَر تعصف رياح العصر بسياجه
قد مر شهر وخمس أيام يا فرقا***
أخيط ثوب الهم من طرز نسّاجه
فتات فقرّي تموت وتكتوي حرقا***
وتضمأ ليال السعد بالحلم ثجَّاجة
ترجف معاليق الفراق بساعة الرجوى***
وأرفع كفوف الضيق وأتنفس حجاجة
يالله طلبتك إذا كان الفراق أقوى***
أسلك طريق الهجر وأشعل به سراجه
---
----
------
دمعي مطر وغيمة الهم فرقاك•••
أعيش حي ولكن الهم بي حي
أصب كأس الخمر وأتأمل أنساك•••
لكن تبين الصدق ما غيّرت شي