[أحمدبن عبدالله المعمري]

من قال ان الموت طـعن بحرابــــــــــك
غلطان موت الناس لو ينــحني الــراس

وابسط دليل اعطيك لحظة غــــــيـابـــك
غبتي وغاب فغيبتك كـل هــوجـــــــــاس

ظنك ملكتي أحمد بضـحــك نــــابـــــــك
الطيب له جــــــلاس ولـلـسـوء جـــلاس

يكفي من العنوان افـهم كـــــتــــــــابــك
شاعر وحرفي لو بدا فيه اعمــــــــــاس

تعرفني الـغربه قبل إغــــــــتـــــــــرابـك
رابع سنـه امشي على ارض الاطـراس

وإذا غرورك فالسما إحـتـــفـابـــــــــــك
هذا زمان ومن زمن مـــــــــات فرناس

مثل الشمس عند الغروب بثـــــيـــــــابك
والناس ما تلبس ابد دون ما تقـــــــــاس

يعني ف ضنك لو تشحي بســـحابـــــــك
اني اموت وعند الايــــــــــــام انـــــداس

لا __ لا وربي قد فقدتي صوابـــــــــك
جب الضما قلبي ارتوى منه احســـــاس

ما تروي العطشان يغمة شــــــــــــــرابك
ويغار عقد التبر من لمع الالـــمــــــــاس

يمكن ضعيف النــــــــفس قبل تـرابــــك
ولا عزيز النفس ما يقبل يــــــبــــــــاس

لا تلومي الحطاب بشجار غــــابــــــــــك
دام المشاعر برد و اقــــــــلامه الفـــاس

يحطب على مايحب ويشــب مابـــــــــك
ناره عن المصبح إذا هب بـــــــــغلاس


اكبر حزن للحوت لو هو تشـــــــــــــابك
بشباك صيادٍ مــــــــلى وجـــهه الـــياس

والذيب يسهى_وان وقع بالمــشابــــــك
يبتر يـديه ولا يقع فــــــأيــدي الـــنـــاس

وللي يقول المــــــــــــوت طعن بحرابك
يموت قبل الــموت هو حــــــاني الراس