حفنــــة أمــاني
سـهر والـليـل يـسبـقنـي ويـلبـس لـلجـفى عـتمه
وحــلمــي يـختـفي خـلف الـسحـاب وتـقفـله بـابـك
ألمــلم مــدمعــي وســط القصـايد وأبـني الكلمـه
وارتــب للألــم ذكــرى الحنــين وبعض أصحــابك
أنــا فــي داخـلي طـفلٍ رضـع مـن غـيبـتك هـمه
حــلم يـبنـي مـن وصـالـك أمـان ويـلبـس أنـسابـك
حـملـت لـحبـنا ( حـفنة أمـانـي ) وأنـطر القسمه
زرعـتك لـلوصـل بـذرة حـنيـن , وتـثمـر غيابك !؟
ذكرتك .. والبكى أصعب حروف أصيغ لك أسمه
أجــيلــك والــعشـق تـذبـل عـناقـيده مـن أسـبابـك
عـلى درب الـشقى أمـشي ولاحـدٍ مـدلـي خـدمه
وحـيد ألـبس ملامـح صـدمـتي وتـناسى جـلبـابـك
وسـيل الـهم يـتسـاقـط وسـط صـدري بلا رحمه
وانـا مـن قـبل لا أعـرف طـموحـي هـالـزمن جابك
يــقولــون الــفرح أحــلى شـعور وطـلتـه نـعمـه
وانــا حــزنـي شـمس عـمري أدور ظـلة أهـدابـك
حــرثــت اللامــبالاه وتــعبـت أزرع لـك الـبسـمه
غـــرزت الـــحب يــم اللارجــوع ولــمة أحــبابــك
ألـم الـصبـح فـي عـينـي وأجـيلـك والـعمر ظلمه
وارش الـصمـت فـي أول لـقا يـحكـي عـن عـتابـك
عـلى كـوشة جـروحـي والشتاءَ إيصب لي سمه
سـكبـت الـوصـل فـي آخـر لـقا ثـم طـاح ف ترابك
عــرفـت إن الأمـل حـلمـه إنـتثـر مـانـقدر إنـلمـه
مــدام إن الــخيــانة ك الــعطـر تـبقى عـلى ثـيابـك
جـمعـتك دمـعتـين إتـغطرسن في شاطئ الصدمه
ومـوج الـبوح يـنثـرنـي ملامح (عشق ) ف كتابك
عـلى حـضن الـسطـر أدفـن خـبايـا فرحتك تهمه
أجيك وزحمة جروحي ( رجا ) من فيض ماصابك
تــعبـت أتـبخـر أيـامـي بـدونـك فـالـحشى رحـمه
أفــتش فـي كـفوف الـهم عـن ريـحة مـن أطـيابـك
تــعبـت أتـخيـل إحـساسـي فـقيـرٍ يـنتـظر حـلمـه
عــلى ســجادة أوهــام وأسى , مــاقـد تـوضـابـك
أجــيلــك شـاعـرٍ يـشحـذ سـطور ويـكتـب بـدمـه
بــقايـا جـروح فـي لـيلة شـقى تـحكـي بـما عـابـك
أبـد مـاهـو خـطاه إنـه لـبس ثـوب الـسهر عتمه
خــطاه إنــه قــتل حــلم وبــقى يـنطـر عـلى بـابـك
أحمد المغربي