[حارث الصلتي]

الراس شاطي وافكاري كما الامــــــــــواج
والشعر بحر ف داخلي تعظم امواجــــــــــه
لا جيت ابكتب وقنديل الفكر وهـــــــــــــــاج
ترقص بناته على أنوار وهاجــــــــــــــــــه
افكار شاعر وأقلام غدت معــــــــــــــــراج
فوق الثريا سمى بالشعر معراجــــــــــــــه
الى كل جزله ركاب الشعر بي تنعـــــــــاج
تخب في سيرها لا جات منعاجــــــــــــــــه
تطوف الافكار في راسي طواف الحـــــاج
وتنصب ف صدر الدفتر خيام حجاجــــــــه
يلبس قصيدي من الدر المرصع تــــــــــاج
ولو ما اصيد الثمينه مالبس تاجـــــــــــــه
شيدت للشعر في وسط الخفوق ابــــــراج
حتى رقى الحرف عالي فوق ابــــــــراجه
واخذت من وعظ الزمن والدروس سراج
شاعر ولو شان وقته ما انطفى سراجـــه
تسمع صفير العواصف ف الحشا لجـــاج
بين الحنايا رياح الدهر لجاجـــــــــــــــــة
الله جعل لي عن الهفوات منه سيـــــــاج
ما خاب من يحتمي في داخل سياجـــــــه
الحمد لله وذكره للنفوس عـــــــــــــــلاج
اللي بأمره شفاء القلب وعلاجــــــــــــه


{ حارث الصلتي }