[زهرة السوسن]

قالِ جيتكْ يا فِتوني
...................أعتذرْ لِكْ بالإيابي
ضُمّني بْصَدْرِ(ن) حَنوني
.............طِيرِ بي فوقِ السحابي
وِدّي أهربْ مِنْ جِنوني
...............طالِ بي ليلِ اغْترابي
دَمْعتى حَرّى بْعيوني
...............إنتَ أدْري بالْمصابي
صابر(ن) فاضتْ شُجوني
..................أنتظرْ ردّ الْجوابي
ساءِ حالي ضاعِ لُوني
...............حاضرِ مْسجّلْ غيابي
خلّني فوق الظنوني
................لا تِزيدِ الْيومِ ما بِي
جيتكِ بْروف(ن) وُهُوني
.................لا تبالغْ في عتابي
ضايق(ن)صدْري بْحزوني
.................بعدُكُمْ سدّيتِ بابي
إنتَ ما تُصْبرْ بِدوني
.......شوفِ وِاحْسبْ لِي حِسابي

أم عمر، 30-9-2016م