حين لم يبقى رثاء أخمد الشعر كلاما في قلوب الشعراء
نسيت الماضي من عمري و انت اللي تذكرتك
وعشت أيام من دونك أموت بحرة أشواقي
لقيت اسمك يضم اسمي وبقلبي أنا شلتك
رسمت بداخلي حبك كتبتة بأول أوراقي
ألاياخوي لو تدري بكل شيء أنا أغليتك
أبيع العمر أنا لجلك وأشوفك حلمي الباقي
ألاليتك هنا جنبي تسولفلي بعذب صوتك
واناظر بالحلى عيونك تزين كل آفاقي
سهرتك يا علي بليلي جفاني النوم و بكيتك
وليلي (ال) كان يزهابك غدابي حيل حراقي
غلاتك صدق من قلبي حبيبي أنا سميتك
ذبحني شوقي بغيابك ودمعي غرق أحداقي
نسيت كل البشر يا خوي و انت اللي تذكرتك
ترى يا خوي ما صابك جرحني جرح بأعماقي
تملل هالحزن مني (م) يدري زود غلاتك
ورسم في داخلي حرفك وحرف العين براقي
أداري دمعه من عيني وأصبرها بكلماتك
وأترجم دمعتي باسمك وبكتبها في أوراقي
رجيت بيت الشعر عندي أبذكر باقي صفاتك
سمحلي أكتب كتابك وسيرة عمرك الراقي
أنا يا خوي (م) نسيتك
وبهلبيتين (م)وفيتك وعهدك عندي بوثاقي
ألا يا علي ياللي بكل لحظة تمنيتك
تشوف العيد بغيابك سيوف تجرح أعماقي
وسهرتك يا علي بليلي بليلة عيد وبكيتك
وليلي(أل)كان يزهابك غدابي حيل حراقي
وأعود أنسى أنا عمري وأنت اللي تذكرتك
وأعيش أيامي بدونك أموت بحرة أشواقي
أحبك يا علي وحبي يسطر حلو كلماتك
أحبك يا علي وحبك بقلبي حيل خفاقي