لو سألتي
لو جنيت الوف والماس وذهب
يبقى ما بيني وما بينك حرير
من شعيل النار يحرقني اللهب
ميّتٍ قلبك وأنا كلي ضمير
احترق كلي تجاعيد وتعب
لو سألتي الليل في عين الضرير
أو سألتي عاصيٍ جمع الحطب
كيف يجمع من عرف حر السعير
اعترف لك كل ما قتلك كذب
اْصنع الدنيا وارقدها سرير
واعترف لك حبك الصافي غلب
وانك أنقى ما حمل نهر وغدير
لكن الدنيا تناديني غصب
فوق حب السالفة نار وهدير
هي تناديني وأنا كلي غضب
طيبه مثلك بغت ورد وعبير
تطلبي مني تبي قلبي ذهب
باقيٍ بيني وما بينك حرير
صالح السنيدي