[خليل عفيفي]

قصيدة : شي بقلبي يا ملا حايرٍ فيه - للشاعر :
محمد أحمد السديري

اليوم حاولت أن أقدم لكم هذه القصيدة لروعة ما فيها ، وقد أرفقت معها الأداء على الربابة
أتمنى أن ترضي ذائقتكم.. وقد نقلتها كما هي

شـــىء بقلبى ياملا حاير فيــــــه**شىء تحير بْه العقول الفهامي
مخفيه بفوادى و لا ودى ابديـــه**وادور الخيرات شرق وشــامي
احترت به ما شفت شىء يحاليه**واليوم أنشد عنه مانى بكامـــي
سيلٍ حدر مع وادى غير واديه** مدرى حلال ماه والا حـــــرامي
كانه حلال جايز شرب صافيه**وش حلله يامفســــــرين الحلامي
هاتوا تفاصيله وهاتوا معانيه**نبى الدليل اللى عليه الكــــــــلامي
نبي دليل يفهم الدرب ماشيه**يمشي به التايـــــــــه بليل الظلامي
يمشي به التايه ويقدى مواطيه**ويشرب قراح الما ليا صار ضامي
لاشك هجسي يوم خلا مماشيه**انه حرام ومنه زود الاثــــــــــامي
احرم من الزقوم مره وحاليه**وشربه على الضامى يزيد الهيامي
الله من قلب همومه تقزيه** تدك به مثل الجـــــــــــــراد التهامي
من ما جرى قامت تتله مشاحيه**تل الرشا من فوق هدف المقامي
روابع قامت تصيبه وتخطيه** شاف الهوايل واختلاف الاســامي
ما يسمع الداعى ليا قام يدعيه**يعوم فى بحر من الهــــــم طامي
ما ينتبه للى بصوته يناديه**يزيد همـــــــــــــــــه يوم كل ينامي
يشوف وقت ما عرفنا تواليه**وقت يشيب منـــــــه ابن الفطامي
هذا زمــــان كاثرات بلاويه**الغيم يقلب فيـــــــــه عج وكتامي
يا بعد شرب الما على كبد راجيه**ما سيل الغبرا زعوج الجهامي
انبيك يا من كلمة الحق ترضيه**اعطيك ما ينفعك وافهم كلامي
قصر يذلك لا تقابل مبانيه** خله عسى شامخ طويله هدامــــي
خله عسى ما صاب اغادير يفنيه**يودع منازله الطويله رجامي
لو زان مدخاله وطالت حواميه**شيد على الخيبه قليل الرحامي
وحى يوريك المذ له وتغليه** أنا أشهد أنك ميت القلب عامي
من لا يودك لا توده وترجيه** ارفع مقامك ياعزيز المقامـــي
ارفع مقامك عن عدوك وتوذيه**ويلحقك من تركت رفيقك ملامي
حق الرفيق وواجبه لاتخليه** يلزمك مثل الوالدين الحشامي
اخترعزيز الجار والحق يعطيه** شبل على هرج يقوله يحامي
مادك به عرج المذ له وطاريه** يسبق على فعل الفضيله شمامي
ومن قارب الاجرب بالامراض يعديه**عدواه تسطي باللحم والعظامي
درب السلامه بينات مماشيه** ودرب العطب يرث عليك اللكامي
ابعد وقلبك نازح البعد يشفيه** وتلقى عن الدار البغيضه مقامي
دار بدار وداعى الذل عاصيه** ولا تقبل الذ له نفوس الكرامي
الذل موت حايمات ضواميه** ادخل على منزل فروض الصيامي
عن مقعد بالذل عينك تراعيه** الموت عند الذل امان وسلامي
يرضى المذ له من تردت هقاويه**والذل يجفل منه قلب العصامي
والعبد له رب عن الناس يغنيه**ولو لاه ماصاب الهدف كل رامي