[سهام ماجد]

قـلبى انــا مسكيــن



من بيـن القلــوب قـلبى انا مسكين
عـايــش وحـيد ســاكن ليله الحزين
راضــى ولا عـمــره مـــره اشـتــكى
عايـش ف أحــزانه مهموم سـجيــن



تروح وتيجى المحن والبسمة ما بتغيب
شايف مرار الالم ويقوله انت حبيب
ما هو صاحب ملازم ما بيروح لبعيــد!
وليه تكون الشــكوى دا مقدر ونصيب



ياللى بتلوم ع الحزين مالك انت وماله
لــو فيـوم تجــرب تعيــش انت مكـانه
هتهون عليك دمعتك وما تلوم عليه تانى
سـاعتها هتقول ياريت ماعشـت زمانه



من جوه سجنى هنا معاكم بحكى وبتكلم
كلام طالع من القلب يمكن منه نتعلم !!!
السجن مش سجان ولامسجون ورا قضبان
السجن ممكن يكــون إحســاس منه بنتألم



ياللى بتشكى م الألم تعالى قرب هنا عندى
نحــاول نضحك من القلب اهى ايام وتعدى
ليه من الزمن تشكى وبإيه تفيد شــكواك ؟
رفعت لك يارب يـدى.. انت وحـدك سندى



بقلمى
سهــ ماجد ــام