وهم كذاب
اقل للي وهب قلبه أنا ماني وهم كذاب =
أنا يمكن حكاية حب خانتني عناويني
أنا إحساس شي نادر فهالدنيا صعب ينجاب=
لجل هذا تعبت الدرب وعلقت الخطا فيني
حقيقة لما قلت أهواك بدت هالمسأله بإعجاب=
ولكن مع مرور الوقت بديت افهم مضاميني
فهمت اني أنا أهواك..فهمت إن العشق غلاب =
عرفت انك ترى اقرب من دمي لشراييني
ولكن بس كل قصدي أذوقك حرقة الأعصاب=
وأعلمك كيف تذكرني قبل لاانته تجافيني
واعلمك كيف تحسبلي فغرامك مية الف حساب=
تحس بغيبتي وحشه وتحلف منت ناسيني
انا ادري كم صدفت وشفت فحياتك من بشر واحباب=
ولكن دور الوافي وشف منهو يساويني
وابد مامر في بالي اشرع للغدر ابواب=
انا درب الغدر عفته قبل رجلي توديني
وتاكد ماني من باعك ولعب بالحب تالي غاب=
انا اجمل قصيدة حب في كل دواويني
|