ضد وخصامي
خذني غرامي وأتعبتني مراســــــــــيه
ويا ليت تسعفني مراســــــــي غرامي
تيار وجدي غثبرتني مآســــــــــــــــيه
ما بين شـــــــوق وبين ضد وخصامي
حصن الوله ما عاد تـجـــــــدي مبانيه
خرت من الشــــامخ وأنا اليوم ضامي
جرحي دمى وعجزت ســـنيني تداويه
يالله فيني الجــــــــــــرح للحين دامي
وين الذي لاهب غـــــــــــرامي يطفيه
علقت به حبل المـــــــودة وهيــــــامي
صبيت له فنجـــــــــــــان ودي أقهويه
واليوم حتى ما يرد الســـــــــــــــلامي
أدعج غنج إن زاد شـــــــــوقي أناديه
وأرسم على حـلام المشــــاعر كلامي
خصصت له في واحة الحــب وأعطيه
صافي الحنان معطر بالخــــــــــزامي
بعض العــــــــرب ترتاح له في لقاويه
والبعض الآخر ماله أي أهتمــــــــامي
يعني على ما قيـــــل تقـــــــــدر تخليه
وش فائدة كــــثر العــــتب والمـــلامي
يا كثر هم القلـــــــــــــب زادت بلاويه
وصليت لفـــــــــــروض المودة قيامي
عل وعســــــى من راح الأفراح تلفيه
وأنا الحزن يبني فـــــــــروحي خيامي
يا صاحبي ما عاد تفـــــــــــرق معانيه
وقت مضى بالهم نكس أعــــــــــلامي
على بحر الأشــــواق ضاعت مراسيه
هذي النهاية والخفوق أســــــــــتهامي
__________________
من دار بن عيسى الكرم أــستمده
وأقسم قسم دار الغظيفة أعتزازي
إن جيت وادي عـــاهن الكيف رده
ما بين شعر وبين شــــله وعازي
|