[شاعرة الليل]

السلام عليكم ورحمة الله وبركاته...
القصيدة للشاعر/أحمد الصانع

ودِّي أمُـوتْ .. اليُـوم ... وأعيـش باكـر

وأشوفْ مِنْهـو .. بعـد مُوتـي فقدنـي ..!

ومِنْهو حَمَلْني لِيـن .. ذِيـكْ .. " المقابـر"

وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ [ شاعـر ] ..؟

ومِنْهو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر

وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !

وشِخصٍ تِطيـح دموعـه كِـلْ مـا ذكرنـي

ومِنْهو مِـنْ أهلـي ف العَـزا كـان حاضـر

ومِنْهو دعى لي فـي " صﻼ‌تـه " ورحمنـي

ومِنْهـو بنـى [ بإسمـي ] سبيـل ومنابـر

ومِنْهـو يفـز قلبـه .. إﻻ‌ مِــنْ لمحـنـي

ومِنْهو عشانـي : طُـول اﻷ‌يـام ساهـر ..!

ومِنْهـو ثـﻼ‌ث أيَّـام .. راح وتركنـي ..؟

ومِنْهـو يرتِّـب .. غرفتـي .. / والدفاتـر

وإن شاف ( صوره ) لـي صاح وحضنِّـي

يالله عسـى .. مـا تغفـى كـل المشاعـر

ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر

وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر

إن دارت الدنـيـا .. وزمـانـي كسـرنـي

ومـدام هـذي الدنيـا .. صـارت مظاهـر

وكِـلْ مَـنْ علـى كيفـه .. وجَـوَّه يغنـي

الضيـق وافـي .. والحـزن حيـل وافــر

والجـرح أكثـر شـي .. شفتـه يحبـنـي

قل وش تبـي وتتركنـي يـا حزنـي آمـر

مسكيـن فرحـي / تصـدِّق إنَّ وحشنـي !!

( شاعـر ) ولكنِّـي .. مانـي ب شـاعـر

ودِّي أمـوت اليـوم .... وأرتـاح منِّـي.