الحسن الشريف
للأسف جسمي من الحاجة ضعيف
والفقر فيني ربا عشربن عام
صرت أتمادى على الحسن الشريف
لين صبري صار يسبق للحرام
ما ترك حاجة من الثوب النظيف
إلا يرشفها عن الناس الكرام
ظنهم صلى على الشخص الضعيف
حتى فمة يمنعوا عنة الكلام
ما لهمه شي غير أنة يضيف
للقناعة وصار ممحول العظام
من يخبرني وأوراق الخريف
وش علاقتنا نطيح بهالزحام؟
الفقر عذراء والحظ العفيف
كل ما شافة تغطى باللثام
للأسف والحاجة المرة رغيف
وجيت أبل الجوع من عشرين عام
بصراحه نص مسابقه أعطيك عليه المركز الاول وانت تعرفني ما اجامل
أنت فوق وابوعمر فوق دام الافكار واللغه الجميله هذي موجوده عنك
أنت استاذ ولا اعتقد فيه شاعر يقرا هذا النص يختلف في الراي معي
أتمني من مجلس الاداره يقرا ردي هذا عشان يبلغك كلمه وحده بس ـ هات راسك اقولها
تستحق الاشراف علي هذه الصفحه بدون جدال ويسعد الله مساك
سالم الريسي
|