[وهج الروح]

.. بـــقــايـــا غـــــرامـــك ..






::



لاقــل ودك يفعــل الله ماشاء
كانك نويت البعد يكفي احترامك


عادي يموت الحس في قلوب الأحياء
وعادي بعادك مايغير مقامك


دخلت قلبي واستحليت الأجواء
وانثرت في درب المولع هيامك



قبل الظهور وقبل تسليط الأضواء
كنت الصباح اللي يعيش بظلامك


تخطي وأنا ماشوف بأخطاءك أخطاء
وأقهر ظروفي لجل أحقق مرامك


اهديت لك قلبي وارخصت الأهداء
ومع مرور الوقت قل اهتمامك


تركت لي في مسمعي حلو الأصداء
واحرمتني شوفك وحلو ابتسامك


لا نويت تبعد خل للي بعض الأشياء
ذكرى جميله من بقايا غرامك










كلمــات : سمو الشيخ ...
محمد بن سلطان بن حمدان آل نهيـــان ..