أكذب عليك
إن قلت لك إني نسيت
وأكذب عليك إن شفتني مره قسيت
هذا القدر حكمه علي ........ وما قويت
أكذب عليك
إني على بابك أمر
من غير ما روحي تفر
بين النجوم اتشاهدت ......... والا القمر
أكذب عليك
إن قلت لك ماعاد يذبحني الصبر
ماعاد نفسي تنتظر
غير الهلاك
وكل مابي يحتظر
أكذب عليك
إن قلت لك.. إن الشمس لما تغيب
احساسي باقي لك قريب
وإن الشروق من المغيب
أكذب عليك
من الوهم .. إن قلت لك إني بعيد
وأوهمته العالم سعيد
وإني أبيك وما أريد
أكذب عليك
الوقت غيّب صورتك
وإني كرهت محبتك
وان الزوايا زعلتك..
من كثر هي مشتاقتك
أكذب عليك
إن قلت لك .. إن طولك اللي شدني
كان السبب لي هدني
وإن قلت لك .. غيّر ملامح معدني
أكذب عليك
بصوتك اللي فيه أموت
أوتاري قطّعها السكوت
إلا الشفايا باقيه
آثارها من دم توت
أكذب عليك
إني تمنيتك تجي
والليل ضيّع مخرجي
وإن جاني الصبح بمجيك ...
أكيد أضمك بأدرجي
أكذب عليك
الساعة اللي من زمان
هِديّتك .. ضاعت وضيعت المكان
ماعدت داري هو صبح والا مسا .. ضاع الحنان
أكذب عليك
إن قلت نظراتك قهر
والا محاجرك السهر
فيها مضى كل العمر
والشيب جاني وانتحر
أكذب عليك
إن قلت لك إني أجيك
أو حلمي ملامس يديك
وانام في حضنك إليك
أكذب عليك
أكذب عليك
إن قلت لك أكذب عليك !!!
**تمت**
الثلاثاء
24 أبريل 2012
الساعة العاشرة صباحاً