[حميد محمد السالمي]

قصيدة وطنيه

قابوس يا نسل الوفيين الاحرار
يا حاكمٍ تشهد لك جميع الدول

إلهام شعري كألسحب فيك مدرار
كل ما ذكرتك دنّت رعوده وهطل


ولو كان موطنا به كثير شعّار
أفند قصيدي وأبتدي أكتب جزل

لانه بسمّوك سّيدي واجب أختار
أبيات شعرٍ ينضرب فيها مثل

همنا بحبك من زمن يومنا صغار
سبحان ربي كيف حبيتك طفل

أنحت أسم قابوس بجذوع الاشجار
واخط ع الجدران من حبك جمل

يا منبعاً للسلم حلال الاعسار
تصلح ما بين خصوم وتلم الشمل

مثلك فريداً في زمّنا ولا صار
ومن نافسك خابت أمانيه وفشل

جودك نهر؟ لا والله أقول أنهار
ولو تكمل الانهار نهرك ما كمل

علّيت أسم عمان في كل الاقطار
عليا تساوي نجمة سهيل وزحل

يفداك عمري سيّدي وكل الاعمار
أصرف منايانا مثل صرف العمل

من أول مسندم إلى أخر ظفار
ما تهزنا ريح الفتن لانا جبل

الله يعودك سيّدي بخير ع الدار
نفرح بشوفك بالتباشير ونهل

عم بوطنا م السحب جود الامطار
لكن بدونك دارنا تبقى بمحل.

حميد السالمي 2014