[خليفه الغافري]

المكان اللي بكل أسرار ماضينا تفوه
ما ترك ف الذاكره موقف قديم إلا و جابه

كل شي ن به على حاله و لكن بي تأوه
قلب يوم انه ذكر انسان سافر به غيابه

ما يفوق الحب في هالكون باحساس الاخوه
غير نبضات القلوب المفعمه ود و تشابه


آه يا دهر السعاده اللي هنا كم شب ضوه
ارتدت بعدك ثواني واقعي ثوب الكآبه
ما ترك فيني على النسيان ذاك اليوم قوه
من غفل لحظة رحيله انه وراه يصك بابه

قصته دايم عليها كل شي حولي ينوه
دام يرويها المكان بلا لسان و لا كتابه

ما لقيت اوفى من شعوره سوى ذكرى تشوه
كل فرحه تنعش الاحساس في دنيا اغترابه

ان بغيت انسى يصيح الليل هذا الجرح توه
ما برى دامه حنينك باقي ف قمة شبابه

آه ي دروب الخيال ولو على طيفه تموه
قبل ياتيني يصفي ب عالمي باقي حسابه


جيت لاحضان المكان و طير سعدي في علوه
من قبل ارحل تركته بارضه يرقص من عذابه



خليفه الغافري