محاورة بين سالم المحيجري وفيصل بن عبدالله السناني
بتاريخ 23/11/2014
سالم:
سبحان من راسي على الأرض الجبال
وزين سما الدنيا بنجوم ن زاهرات
بنثر سلام الله عليكم يا رجال
أهل المروة والنوايا الطيبات
فيصل:
يا مرحبا وحيا برواد الوصال
الكم معزه ف القلوب العامرات
ويارب توفقنا وعليك الإتكال
ارحم عبادك غيثنا بالمعصرات
سالم:
أشهد شهادة أنك وفييت الحوال
وتعبيركم مثل العطايا الوافيات
ويوم ن وصل فيصل وناديته تعال
نبغى علوم ن حادثة بالمنجزات
فيصل:
مشي علوماً فاضيه عنها تسال
كل البلد تنعم بخير المعطيات
لكن ياسالم أيش قصة الاحتفال
يوماً وصلنا في رمال الذاريات
سالم:
هذا الحفل تشكل بجهود الرجال
بخلاص وبالنية وقلوبن صافيات
انته يفيصل للحفل صيغ المثال
ياعزوتي حال الحروب الطايلات
فيصل:
أنتو لنا فالنايبة رؤوس وعتال
سالم لكم كل الشكر والمكرمات
وصف المحيجري زامطاً في كل حال
يابن الأسود الصارمة والضاريات
سالم:
تاج الكرامة فالشبه مله مثال
يعدى الثرياء بالوصوف الواضحات
وأما السناني للحرب صيت نزال
تاريخهم يشهد لهم بالمعجزات
فيصل:
راضي بقولك راضي يا ولد الحلال
وأهل الوفاء يلهم رسوماً عاليات
ف وداعة الله وبندعي العلم نشال
وبيضح نوره ف الليالي المظلمات
تمت