اقطفي من كرمة الحب العناقيد
واستخلصي خمرن لذيذن مذاقه
واذا سكرتي بخمر حبي انا ازيد
يلين احس انك ف نشوه ورواقه
ماقلت احبك بس غنوه وتغريد
الحب عندي روعته ف احتراقه
كأسي ع كأسك والايد بالايد
ويلمنا جوا رومنسي بعناقه
وتشلنا دنيا السعاده مناطيد
انتي وانا والحب عشق وصداقه
قلبي يسابقني ع عكس م اريد
واخسر انا ويفوز قلبي بسباقه
ياكثر ماشلت المحبه تناهيد
لو ينوزن ماتحمله الف ناقه
ياحبة العناب ريانة الجيد
يانهر دجله والفرات بعراقه
ياورد جوري من بساتين مدريد
لو كان حبك دين ابنوي اعتناقه
ياقمة الاذواق يازهرة البيد
ياذوق راقي يا دلع يا لباقه
ياساكنه مابين شريان ووريد
اهديكي قلبي والمحبه ف باقه
من كرمة العناب قطفي عناقيد
للحين خمر الحب ماحد ذاقه