[الشيخه]

بسم الله الرحمــن الرحيم

بعد طول الغيــاب إليكم ..


(( جــود العطاء))
لا تنتــظر جود العــطاء ما عدت أنا وكفه صحاب
البارحة مد لي يمينه .. وصاح ::لا لا ترحليـــــــــن

يهمس وحشته والأسى زوّد على متنه ثيــــــــاب
والــحزن لـطــخ بسمته ،،ضحكه عيونه والجبيـــن

وشهو العطــاء!!وليه العطاء لا صــارت اللقيـا سراب
وصار الأمل طفــلٍ ،بكى بيّت على ضلوعي أنيــــن

هدّيت وحشه ضيقته ،نـــايم وفـي صــــدره عتــــاب
نايم وبسمه فـ شفته،، دمعه على خده الحزيـــن

مـ تقول لي إليــا متــى ((زرعي محاصيله عـــذاب..
أرويه من ريــقك خفى.. ليــن أزفرتني هالسنيــــن

أســرق من شفاه الطفل بسمة تليّـــن هالغيـــــــاب
وأقول له :: لا تبتعد .. هالشــــوق قاسي ما يليـــــــن

خلك معي.. بس نفترض إليا سكت فـــاه الكتــــاب
هذي الحروف اللي أسكنت في داخله ما تستكين..

شاخ الشعور وذي حــروفي تحتضر والعـــــــظم ذاب
أرخت هدبها وغمضـــــــت ، هدّت بــإيدي دمعتيـــــــن

هالحــرف شوفه فغيبــــته.. فاني وهو تـــوّه شباب
ولا من بدت لي جيتـــّه ،، تثمر خـــــدودة يــــاسمين

ما قلت لك أن الهوى جامـــــــــح ولا عمره يهــــــــاب!!
ما قلـــت لك انّه ألم يذبـــــــــح قلوب العاشقيـــــــــن!!

يــاذا العطاء ..خلنا ســوى،، بيني وبيــــــنك إنجـذاب
مديت كفك لي وفـــى ..وهذي حروفي لك يديـــن

رغم الرجــــــاء ,وطول العنى، خيـــط الأمل.. كـــف السحاب!!
وتدري وأدري فـغيبته ما أجتاحني غيـر الحنين

هذي كفوفي لك وفــى.. عزوة ما دام أنا صحــــــاب
ثمر العطاء .جود العطاء .. ((ولا عاد تطري ابترحليـن!!؟؟
الشيخه (شيخه العريمي)

22-1-2011