[نبض حر]

السلام عليكم ..

مساء/صباح
الخير

مصافحه اولى لهذا المنبر الأدبي

واتمنى ان ترتقي للذائقه


//

//

//

//
للشعر في ذاتي وسائل وغايات
.... انسان منفي من ألم داخل قصيده

اطوي بحسي هالمدى خلف المجرات
.... وارجع وكلي يرتجف والشمس بيده

بيني وبين الحب اصدق علاقات
.... يعني انا والحب علاقتنا وطيده

ياما على اسمه توالت صراعات
.... احقاد من حولي .عواذل . مكيده

طيحت من شانه بشوت ومقامات
.... وبيحت له ناري على قسوه جليده

احيان احس انه مجرد تفاهات
.... واحيان احس اني بذاتي عقيده

من كثر ماعشت انتصار المعانات
.... يرفق علي قلبي ونرجع نعيده

وتهتز من خلفي دروب ومسافات
.... ويحتدّ بي نخلي وتمتم جريده

ماعاد بي صبراً لضيق المساحات
.... وما عاد بي امجد يدور مجيده

لو طافتك رحله . كثيره قطارات
.... ومن خلفك الدنيا نقيده نقيده

وش فادت الرواي كثير الحكايات
.... وابن ادم احلامه بعينه سهيده

للشعر في ذاتي وسائل وغايات
.... انسان ثاني بداخله يخفي قصيده




وسلامتكم ,,