[سالم الوشاحي]

ليت الشوارع تجمع أثنين صدفه..!

تعالوا بنا إلى مهندس الكلمة .. الأمير بدر بن عبد المحسن .


يطيح جفن الليـل واهـز كتفـه
نجم يفز، وباقي الليـل مطفـي


واحاكي الجدران عن مثل غرفـه
ماتشبه الجدارن ويطول وصفـي


وتثاوب الجدارن واظهر لشرفـه
تحت السماء واسكر الباب خلفـي


ريحٍ تهب وتسكن العظـم رجفـه
وتموت ريح وتسكن اوراق نزفي


فوق الفيافي تهطل دموع وطفه
وتصب لمع بروقها وسط طرفي


ياطاري الغدران ، والعمر رشفه
مع قلّها ، ياليتها يــوم تصفـي


ليت الشوارع تجمع اثنين صدفـه
لا صار شباك المواعيد مجفـي



الحب واجد مير الأقـدار صلفـه
والارض واجد لكن العزم منفـي


والي اعرفه راح مانيب بعرفـه
ولااظن يذكرني الى قلبت مقفـي


ماهو حبيبي مورد القلـب حتفـه
ولاهو حبيبي يفرح بوقت ضعفي


مُّر ثمر هالليل ، وامـر قطفـه
يالحنظل الي صرت اذوقه بكفي.


هذا وتّو الليـل مـاراح نصفـه
ياليل بعض اللي مضى منك يكفي