إليكم بعض الخربشات السريعه التي كتبتها على عجاله لا أدري لما ؟؟؟!!!!
سامحوني على الغياب اللاإرادي
نسجت خيوط القصيده صباح 7/9/2011 الساعه الثانيه والنصف
كلمة عسى
ما يسعف احساس المفارق غيرها كلمة عسى
يرد في يوم الموادع لو غزى صدره حنين
وما يضعف اصرار المكابر غير حزات المسا
حزن الغروب ف داخله يبعثر الجرح الدفين
ان كان دهره من بعد ما لان له فجأه قسى
هذا لأنه قد غفل تدان كان انك تدين
اللي من الدنيا بكيفه كاسها شهد احتسى
باكر بذات الكاس يشرب منها مر السنين
واللي من الضحك وسروره ماضي ايامه كسى
مصير ثوب السعد يبلى كاره ولو بعد حين
الجرح والصبر العقيم ف صدره وجيش الأسى
ما عاد يخفيها الضحك ما دام يفضحها الأنين
رحلة أمانيه انتهت والمركب اللي ما رسى
فيها جزيرة حلمه المفقود والكنز الثمين
ما عاد له باقي سوى الله يجمعنا عسى
والله من بعد الشتات يرد لعيوني ضنين