مساكم الله بالخير الجميع
اضع بين ايديكم
غياب البنات
مع شكري وتقديري
اخوكم خليل
ياديار العز واعزاز الولات
الفلاحي والفلاسيه ذخر
كل رجال(ن) شبع ياس وشتات
لابة الشيخان من بطن وظهر
الضحى جاب الله علومه وجات
بنت ابوها من عقب طول الصبر
فرحة الدنيا وزينة هالحيات
والذي باقي من ايام العمر
يالله يالله انثري بكل الجهات
الخزاما والنفل واحلا الزهر
وافرشي من يادار الغانمات
كل درب وكل قطعه وكل شبر
بالعقيق وفي حلي الغانيات
لجل جيت بنت ابوها من السفر
ياهلابك ثم هلابك ياغنات
قلبي اللي في غيابك انفطر
انورت بك واستهلت بك ياذات
اجمل محيا بنت واجمل شعر
كل اماره وكل حي(ن) فيه فات
كائن(ن) حي(ن) يسمونه بشر
ارحبي في حفظ ربك ياسوات
الذهب والماس وانواع الدرر
والعلوم اللي بها الخافق يبات
ليلته مرتاح في خير وستر
هات ياشيطان شعري هات هات
لجل عين الفاتنه احلا شعر
يااول الفرحه عقب حزن الممات
وياحلاوة هاللقى عقب الهجر
كل حاجه اسال الله الثبات
مالها طعم بغيابك ياقمر
الله اكبر كيف عنا هالبنات
لو يغيبن صارت الدنيا قبر