[جمال نصير]

لما كنا ابرياء....
لما كنا أبرياء ....
لما كات الدنيا تملى العين..يادوب..!!
لما كانت تسوى لعبه..
لما كانت تسوى أكله..
لما كانت حلم وردى..
درب أخضر ..
وسط فرح وفل بلدى..
كنا نعشق أى شئ..
لما كات الضحكة تطلع م القلوب ..
لما كان القلب ..قلب ..
بدون ذنوب ..
*****
لما كنا أبرياء...
كنا نعشق أى حد..
أى حد يمد إيه... بالحنان ..
وللا كلمة جميلة جاية بالامان
كنت نضحك من قلوبنا...
حتى لو ف قلوبنا دمعة
كنا نعرف فين طريقنا
حتى لو ضلت خطانا .. وسط ضلمة..
كنا نعرف احنا مين..
مين صحابنا..
واما نتعب ...من حياتنا..
هى ضحكة ... بين ضلوعنا..
فيها ننسى كل حاجة ..
والنهاردة ...
جف نهر الفرح فينا.. من ألامنا..
والسكات علّم علينا ..
اتخرصنا..
*****
لما كنا أبرياء..
كنا نحلم بالحياة ..
زى عقد ف صدر بنت..
تحت ايدنا .. وتحت عينا ..
وتحت ايها شئ بيخطر .. جوّا بالك...
كنا بنقول بس نكبر...
راح نفك العقد ...عقدة .. بعد عقدة..
راح نزيد للعقد ... حبة..من خيالنا..
راح نسوى حاجات كتيرة..
راح نخلّي العقد أكبر..
راح نخلى العقد يمرح...بين صدورنا...
راح نخلى العقد ... يفرح..
لجل يسرح.. تحت أكتر..
بس لما كبرنا صار العقد اكبر من خيالنا..
واكتشفنا..
كل حبة نايمة جوا العقد .. عقده..
واكتشفنا..
ان احنا يادوب ف طرف العقد .. فتله..
*****
لما كنا صغار ...بنحلم
كنا فعلا ... أبرياء..
كنا بنحس بوفاء
كنا حاسين ان إحنا ...
كل واحد فينا للتانى ... غطاء..
كل واحد فينا للمحروم .. عطاء..
كل مافينا ... نقاء...
كنا نبنى من سعادتنا ..سماء..
فيها حب وفيها زرع..
وفيها ... ماء...
والنهارده ..
انكشفنا ..
زى ريشة .. ف العراء..
كل حاجة فينا صبحت ليه .. جفاء..؟؟
*****
جمال نصير ..... اكتوبر 2014