[وهج الروح]

قبل (اللقاء) و(المعرفه) كنت امغبون


(العين) مـن جـور الليالـي ذارفـه


لبست (جلباب الحزن) فوق المتـون


و(الهـم) كنـي معتـلـي مشـارفـه


(القلب) يزهمني أكـون أو لا أكـون


وأنـا أدري أنـه فـاقـدن معـارفـه


تذبل (ورود الحب) وتموت الغصون


من عقب ما كانـت غصونـه وارفـه


مير (الأمل) في نظرتك رد الظنـون


خاب(العذول) اللـي غـدت محارفـه


جيتي مثل (حلم الطفولـة) بالعيـون


(القلب) ينبض و(المشاعـر) جارفـه


وجيتك (غلا) و(القلب) تكسيه الطعون


(عاشق متيّـم) فـي سلـوم العارفـه


عاشق يحبك حب وصّلـه الجنـون


(مشاعره) من ( نبع حبّـك) غارفـه


أغليـك وأحبـك وغيـرك مايمـون


(شيك الغلا) لك فـي يمينـك صارفـه


فديـت خـدك والشفايـف والعيـون


و(الشامه) اللي فـوق خـدك طارفـه