مساكم الله بالخير الجميع
من كررم الخنجر وعز العمامه!؟
ومن ارتدى المشلح وعلا مقامه؟
الا سليل اهل الكرم والمعالي
قابوس سيد كل مرفوع هامه
الله يحفظه وين ما حط رجله
والله يرده لجلنا بالسلامه
سافر ولا سافر من القلب لحظه
والقلب لام الله من فيه لامه
رجل ن يحبه كل شخص ن عماني
وبكل طرف في كل ارض احترامه
سبحان من ارسله للدار حاكم
وارهى عليه من الكرم والشهامه
عيشي بلادي واقدمي دام عزك
ولاترهبي الليل وتخافي ظلامه
قابوس نورك فالليالي ف قومي
يم الجدي ماهوب يم الغمامه
انتي على المشراف مانتي بوادي
واليا حمى الحامي لعزك علامه
مادام فينا كل صارم وفينا
( قابوس) الله يرجعه بالسلامه