[علي الغنبوصي]

صباح او مساء الخير

عذرا للغياب

لقلوبكم النقيه هذه المتواضعه

مدخل

ابحر مع الامواج في بحر عينك
آخاف يطري حزن و تهلني دمع

تأمر و تنهي و الاوامر بدينك
يعني انا رهنك على الطوع و السمع

البارحه نور القمر في جبينك
يوم العواذل ضوت الليل بالشمع

لو الجموع اليوم تسوى ضنينك
اجمع شعور القلب شف ناتج الجمع

(ليل المولع)

يا هيه كانك تشوف الشوق فيني طرا
من طاري الغيم واشواقي مزون السحاب

ضمي كفوفك عليّه قبل شرب الثرى
آخاف غيرك يطول الشوق عقب الغياب

من يأمن الوقت والغيبات لا ما برا
يطري عليه الكدر ويعيش وسط السراب

يا طول ليل المولع يوم ضاق و سرا
من ضيقة اللي على الميعاد ناطر صحاب

يا هل ترى محتريني اليوم يا هل ترى
و اصابعه للقاء متلخبطه فالحساب

تقرأ عيوني و عين القلب محدن قرأ
وان سيحت دمع جف النبض شفت المصاب

الاوله يوم حال الحب حال فقرى
فنجال وصلك معي يسوى لذيذ الشراب

يا منوخ الحب بعماقي و كنه عراء
و تورد هيامك على الخفاق ورد الشعاب

ان هب شمالك لقيت الصدر درع و ذرا
و ان جاتك النود عصريه تعدل صواب

لا تستمع للجفاء يومه صرخ ثم جرا
خلي الوفاء صاحبك يا صاح لا ترد جواب

هاك الوصل دون لا من شاف لا من درا
مرحوم قلب(ن) على ذكرك تذاوب و ذاب

مخرج

مقواك يوم تصد والقلب يقطر
و مقواك يوم تغيب والشوق ظلك

لا غبت صام القلب وان جيت يفطر
تدري غيابك صعب والصعب وصلك

اقراك من عامين واكتبك بأسطر
والدمع عاف العين وان طاح لأجلك

واقول ليت الغيم بالفي يمطر
وتشح بمزونك على وصل خلك

مبطي على ملقاك واشتاق وانطر
وانته تقول اليوم والصبر ملّك