[مبارك سعيد الغيلاني]

السلام عليكم ورحمة الله وبركاته, أبياتمتواضعه للتواصل




راح الرفيق اللي ينور دربـي
ـ ـ ـ ـ ـ واتخلفت بعده وحوش وغابـه


هـذا يجاملنـي وذاك يسبـي
ـ ـ ـ ـ ـ وهذاك يبنـي قصـةً كذابـه


كل واحدً منهم يبـي يظفربـي
ـ ـ ـ ـ ـ ينعت عليه بصبعـه السبابـه


حدن يبي جاهي وحدن قربـي
ـ ـ ـ ـ ـ وحدن جهلنا قصده وأسبابـه


مايعرفوا بأني مسكّـر قلبـي
ـ ـ ـ ـ ـ من عقبها حالف أقفّـل بابـه


ليت الزمن عامين لو يرجع بي
ـ ـ ـ ـ ـ واحطها بين الجسـم وثيابـه


وليت الرفيق إليا زقرت يلبـي
ـ ـ ـ ـ وأخبره عن نفسي المصطابـه


العوق في وسط الحشاء متخبي
ـ ـ ـ ـ ـ وذيب الهجر فالقلب علق نابـه



والسموحه على القصور