اقتباس:
المشاركة الأصلية كتبت بواسطة ينابيع السبيعي
" شف خفوقٍ ما سمع غيرك ولكن يسمعك"
* حبيبي وش تقول بخافقٍ قصة غرامه فيك
نسى الدنيا ومافيها وجاء ينشد عن أحوالك
*
الخطأ مْرضاه : لكن أنت بْدمح لك خطـاك
ياحبيبٍ عن دروب الغدر طيبـك يردعـك
أدري انك تفتديني لو علـى درب الهـلاك
وادري ان التضحيه تشـرب نقـا منبعـك
القصيد اللي لشخصك يرسم ابعاده غلاك
والهوى اللي يدفع الخافق لحبـك يدفعـك
أنت حظي وأنت سعدي والعمر كله فـداك
ولو تيّسر لي لقانا : مابه أحـدن يمنعـك
إيه احبك . إيه احبك . والوفا نبضه وفاك
شوفني ياحلم عمري رغم صدك أسمعك
إيه يعجبني عتابك .. بس يحرقنـي جفـاك
كيف اموت الفين مره ولا يـبالـي مدمعـك
ان طلبت الـود : قلـت كـل الـود جـاك
جاك قلبي وجيـت كلـي ياحبيبـي أتبعـك
والله اني فدوةٍ لك وافرح بلحظـة رضـاك
انت قدرك غصب عني ياحبيبـي يرفعـك
شف عيوني ياعيوني تنتظر لحظة لقاك
وشف خفوقٍ ماسمع غيرك ولكن يسمعـك
والخطأ مْرضاه لكن أنت بدمح لك خطاك
ياحبيبٍ عن دروب الغدر طبعك يردعـك
ينابيع السبيعي |
ماهذا الجمال
أنها فلسفه شعريه راقيه لاتوصف
مليئه بالجمال والكمال والحنكة الأدبيه العاليه
نعم إنها لغة الكبار واسلوبهم المميز في الطرح والتداخل
من الموضوعيه
الحفاظ على الموضوع بنرجسيه عاليه والاستمرار بمخاطبة الطرف الخر
إلي نهاية النص مما يحسب للشاعره ...
سعدت بالمرور السريع
سالم