[مشاعل الراسبي]

لاترتجي مني اجيلك واحاكيك
لنك هجرت القلب والقلب عافك
تركتني ومستكثر اني اخليك ؟
شلي بيجبر قلبي ارجع واخافك؟
لابو المحبه ولابو قلب انجبر فيك
دور على غيري ترا القطر طافك
اسمع ترى مني وحكي الكاش بعطيك
اتبع دروب اللي على الميل ضافك
مستغرب اني كيف انا ادري بخافيك؟
لامن نويت تخون فاستر لحافك
ـــــــــــــــــــــــــــــــــــــــــــــــــــــــــــــــــــــــــ

ترى حالي غدى يشكي من اعواقن تهد الجيد
يبات العوق بضلوعي ونصبح كننا اغراب
انا البارح شرات الطير وان صوب ببندق صيد
يرفرف يصفق جناحيه يحاول يرتفع وانصاب
ولا قصدي انا اهمالك ترى وصلك غدى لي عيد
سهرت ونام جوالك وانا ميت وعوقي اسباب

ـــــــــــــــــــــــــــــــــــــــــــــــــــــــــــــــــــــــــــــــــــــ
في خاطري هما بقوله ورديت............................. بس هذا قلبي رافضا يمه يبات
ما اقدر اخبي همي ما دمت لك جيت................... يمك همومي هي تناجيك بشكات
ما اقدر اجامل خلي والله مليت..................... زادت همومي وانا اقضيها بسكات
اعذرني خلي ادري اني تماديت........................ ما فيني حيلة غير أشاكيك بأبيات
تدري الشبل توه طلع تارك البيت....................... لأجل الهوى طالبه بشوي رنات
لو كنت شفته خلي والله جنيت................... ومن ما درى دربه حلف انها فزعات
عذري اعيده ياللي بالعون مديت.................... وارجوالسموحة وانا بروح فسبات
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اضحك ولكن ضحكتي تخفي هموم..................... اسبابها بعد الغضي نور الأعيان
ما أقدر على فرقاه من بعد هاليوم................... شوفوا لي حلن قبل لا يصيبني جنان
تعبت حالي خلي جفني جفى النوم....................... واصبحت انا والهم صحبه و خلان
نفسي وهي نفسي تعاتبني وتلوم....................... ما تدري اني في سما الحب هيمان
وانه الخلايق كوم وخلي انا كوم...................... يسبي النواظر يفتن الانس والجان
نذرا علي والله اسبوع بالصوم..................... لو القى خلي وشفته أنا شوف الاعيان